Cassaro Ark er fjölskyldurekin teiknistofa sem leggur áherslu á persónulega þjónustu, vandaða hönnun og lausnir sem taka mið af þörfum og óskum hvers viðskiptavinar.

Fyrirtækið var stofnað árið 2008 af Margréti Cassaro, sem á að baki áratuga reynslu í faginu. Margrét útskrifaðist sem tækniteiknari árið 1999, iðnfræðingur árið 2001 og byggingarfræðingur árið 2003. Í dag er Cassaro Ark rekið sameiginlega af Margréti og dóttur hennar, Hafdísi.

Hafdís útskrifaðist sem tækniteiknari árið 2008 og byggingarfræðingur árið 2019 og hefur í gegnum árin komið að ýmsum verkefnum hjá Cassaro Ark.

Sem mæðgur deilum við áhuga á hönnun og byggingum, en komum jafnframt með ólíka reynslu og sjónarhorn að hverju verkefni. Við trúum því að góð hönnun snúist ekki aðeins um fallegt útlit, heldur einnig um að skapa vel nýtt rými sem mæta þörfum þeirra sem nota þau.

Við leggjum áherslu á að kynnast hverju verkefni vel, hlusta á hugmyndir viðskiptavina okkar og vinna náið með þeim í gegnum ferlið.
Markmiðið er alltaf það sama – að skapa fallegar, hagnýtar og vel ígrundaðar lausnir sem fólk getur notið til framtíðar.

Hjá Cassaro Ark sameinum við reynslu, fagmennsku og persónulega nálgun
– því bestu lausnirnar verða til í góðu samstarfi.